پنجشنبه، 30 خرداد ماه، 1398

ڕازێوه‌ جه‌ خه رمانو ڕازا

گردآورنده: فه‌تحۆڵڵا ره‌زایی//

ژه‌ن و پیایێو ده‌سه‌ڵات دار یانه‌و وێشانه خه‌ریکێ نان وارده‌ی بانێ چا عانه‌نه‌ فه‌قیرێو ملۆ به‌ره‌و یانه‌یشا و داواو خه‌یرێشا وه‌نه که‌رو ، ژه‌نه‌کێ به‌شوه‌که‌یش ماچۆ : پیاکه‌،که‌رگێوه‌ما هه‌نه‌ ئیجازه مده‌ی بده‌ونه‌ش پا سواڵکه‌ره‌یه?



پیاکه ماچۆ : نه وه‌ڵڵا،هیچش مه‌ده په‌نه، لوه جوابش بده با بلۆ ڕاو وێشه‌ره، ژه‌نه‌ کێ هه‌ر جۆرێو بۆ ملۆ فه‌قیره‌که‌ی جواب که‌رۆ و ده‌سی هاڵی مازۆ جیاو ملۆ.

شۆنۆ چننه‌ ساڵاره‌ خۆدای گه‌وره پاسه ڕه‌زاش بۆ ، پیا ده‌سه‌ڵات داره‌که گردو  ماڵ و سامانیش جه ده‌س مدۆ و حه رجه بۆنه‌و ئانه‌یه‌و مه‌تاڤۆ ژیوایشا به‌رۆ ڕاوه، ژه‌نه‌کێش ته‌ڵاق مدۆ و په‌ی هه‌میشه‌ی جیای باوه و وێچش په‌ی گۆزه‌رانو ژیوایش ده‌س که‌رۆ به سواڵکه‌رده‌ی و ژه‌نه‌کێچش دمه‌و چنن مه‌نگا ملۆ شوو که‌رۆ به پیاێوه ده‌وڵه‌مه‌ن و عالی و ژیوایش جه‌وه ڵێ وه‌شته‌ر بۆ.

ڕۆیوه‌ جه ڕوا چه‌نی شوه‌ تازه‌که‌یش یانه‌و وێشا گۆشتو که‌رگێ برێژا و حه‌ر ده‌س که‌را به وارده‌یش سواڵکه‌رێوه مه‌ی به‌ره و یانه‌یشا و داواو چێویشا وه‌نه که‌رۆ،ژه‌نه‌کێ به‌ شوه‌که‌یش ماچۆ : ئه‌ر ڕازیه‌نی با ئی که‌رگه برێژیای به‌روو بده‌و پا فه‌قیره‌یه ئیجا موه‌ هه‌مته‌ر برێژوو په‌ی وێما. شوه‌که‌ش ماچۆ : قه‌یدوو چێشی که‌رۆ به‌ره‌ بده‌ش په‌نه،منیچ فره حه ز که‌روو به‌ هه‌ رمانه‌کێت.

ژه‌نی گۆشته برێژیاکه‌ی به‌رۆ مدۆ به‌ پیای سواڵکه‌ری و به گره‌وه‌ی مه‌یوه‌ دما!

شوه‌که‌ش ماچۆ: ژه‌نه‌کێ ئانه چێش قۆمیان، په‌ی چێشی گره‌وی ؟ ژه‌نه‌کێ ماچۆ : ئا سواڵکه‌ره‌ شوه وه‌ڵینه‌که‌م بێ و دڵم سۆت په‌یش و گره‌وه‌ی گێرتا ! شوه‌که‌ش ماچۆ : ماشه‌ڵڵا جه حکمه‌تو خۆدای گه‌وره‌ی ! ژه‌نه‌کێ ماچۆ : یانی چێش؟ شوه‌که‌ش ماچۆ : یادتا چننه‌ ساڵێ چی وه‌ڵته‌ر چه‌نی شوه‌که‌یت خه‌ریکێ نان وارده‌ی بێندێ و سواڵکه‌ رێو ئاما به‌ره‌و یانه‌یتا و هیچتا نه‌دا په‌نه؟ ژه‌نه‌کێ ماچۆ : ئه‌رێ وه‌ڵڵا خاس یادما و حه‌ر ئه‌جۆم ئارۆن، شوه‌که‌یم ناسش هیچش بده‌و په‌نه. پیاکه ماچۆ : ده‌ی ئانه ئا سواڵکه‌ره من بێنێ ئامانێ به‌ره‌و یانه‌یتا و شوه‌که‌یت جواب که ردا ! ئیسه‌ خۆدای گه‌وره‌ تاوانه‌و ئا هه‌رمانێشه‌ مدۆوه‌!



ارسال شده در مورخه : دوشنبه، 23 تير ماه، 1393 توسط admin2  پرینت

مرتبط باموضوع :

 وردە باسێو سەرو مالمینی  [ سه شنبه، 30 دي ماه، 1393 ] 1514 مشاهده
 چەنە ئامایی ژەنیوو هەورامانی  [ سه شنبه، 22 بهمن ماه، 1392 ] 2007 مشاهده
 داستانه‌و میرزائه‌ولقاذری و کناچێ  [ دوشنبه، 5 خرداد ماه، 1393 ] 1965 مشاهده
 پاراستن و گه‌شه‌ پێدانی زمانی کوردی  [ پنجشنبه، 12 خرداد ماه، 1390 ] 7806 مشاهده
 ژیاننامەی مام جەلال تاڵەبانی  [ چهارشنبه، 12 مهر ماه، 1396 ] 1129 مشاهده
 
نام شما: [ کاربر جدید ]

نام (ضروری): 
ایمیل (ضروری): 
نظر:
کد امنیتی
کد امنیتی

  [ بازگشت ]
امتیاز دهی به مطلب
انتخاب ها

 فایل پی دی اف فایل پی دی اف

 گرفتن پرينت از اين مطلب گرفتن پرينت از اين مطلب

 ارسال به دوستان ارسال به دوستان

 گزارش این پست به مدیر سایت گزارش این پست به مدیر سایت

اشتراک گذاري مطلب
صفحات پيشنهادي
لينکدوني
پیامک

ســامـانه پیام کوتاه پینوس



ارسال خبر ، مقاله ، گزارش و ...



شماره همراه خود را برای عضویت در خبرنامه پیامکی وارد کنید