دوشنبه، 23 مهر ماه، 1397

ڕازۆ مامالێ

گردآورنده : کورش یوسفی

دەگەێۆەنە  مامالێوە  بۆ ، زاولەکێش  گەورێ  با و  گرد  ملا  سەرو  یانەو    وێشا. مامالەکێ  چنی  کتێۆی  یانەکەشانە  بە  وەشی  و بێ خەم   مژیوا. مامالێ  ڕۆێۆ  مزیورە  ملۆ  پەی  بازاری   کەلوپەل  ئەسای ،بە  کتەکێش  ماچۆ ،ملای ملو  پەی  بازاری ،  هاگات  یانەکەی  بۆ،  ماسم  نیان  نەمجیش.  کتەکیچ  ماچو  خاس  سەرۆ  چەمام ، خاترەت  جەمە بۆ.

مامالی  ملۆ  و  تا  وێرەگا  نمەێۆە  یانە .  کتەکێ  ئاوراش  بۆ  هیچش  مشتە  مەگنۆ  بوەرو،سەرۆ  ماسەکەی  لا بەرۆ  گردی  وەرو .وەختێۆ  مامالەکێ  مەێۆە  یانە ،ماچو  بە  کتەکێ   لوە  ماسەکەی  بارە  بزانو  خاس  گرسان. کتەکێ  زوانش  بۆ  پێوەرەو  ماچو  نەزانام   پام  کەۆتەو  کاسەکەی و  گردو  ماسەکەی  مجیا. مامالی  تەماشەو  کاسەکەی  کەرو  مزانۆ  کتەکێ  ماسەکەش   واردەن  ماچو  خاسا قەییش  نیا .



لوە  پنەکێۆ  ترێشتەکەم   پەی  بارە ، کتەکێ  ملۆ  ماروشا.  مامالەکێ  ماچۆ:  ئادەی  بۆ  سەرو  ئا  پنێۆە  بنیشەرە ،ئادیچە  منیشورەو  ،مامالەکێ  ترێشتێۆ   ماڵۆ قلیچکەو  کتەکێ رەو   پڕنۆش .کتەکێ  دەس کەرو  بە  گرەوە  هۆڕە  و  ماچو  مامالێ  گیان  یا خوا  وەشە  بی  قلیچکەکەم  دەو.
مامالەکێ  ماچو  بە  شەرتێۆ  میەوتەو   بلی  شوتم  پەی  باری  تا خاس  گرینوش و  کەروش  ماس.
کتەکێ  گنۆ  ڕاو  ملو ملو  تا  یاۆۆ  بە  بزڵێوی ،ماچو:  بزڵە  وەشڵەکە  کۆچێۆ  شوتم  مدەی  پەنە،  ئادیچە  ماچو  ئەگەر  شوتت  گەرەکا  ،لوە  گەڵام  پەی  بارە  ئاوراما  ،ئا وەختە  منیچ  شوتت  مدەو  پەنە.
کتەکێ  گنۆ ڕاو  ملو  تا  یاۆۆ  لاو  چنارێوی  بەرزی، ماچو :ئەی  چناری  باڵا  بەرز  ئەی  سەر گەورەو  دارا  کۆچێۆ  چا  گەڵایتە  وزیەرە  وار  پەیم.ئادیچ  ماچو نا  تەژنەما  لوە  ئاویم  پەی  بارە  تا  گەڵات  دەو .
ئادیچە  گنوۆە  ڕا  ملو  تا  یاۆۆ بە  هانێۆی،  سەرو  هانەکەیەو  منیشورەو  کۆچێۆ  ئاوی  وەرو  وێش  فێنک  کەروۆەو  ماچو  بە  هانەکەی  کۆچێۆ  ئاویم  مدەی  پەنە  بەروش  پەی  ئا  چنارەیە. ئادیچی  واتش ئەگەر  ئاویت  گەرەکەنە  بەری  پەی  چنارەکەی،مشیوم  بلی  ئا  زاوڵە  وەشڵانا  چڕی  پەی  لایم و پاڵمەنە  دەس  کەرا  هۆرپڕای،ئا وەختە  ئاویت  مدەو  پەنە.
کتەکێ  کەوتەو  ڕا  لوا  پەی  لاو  زاوڵەکاو  گردو  بەسەر  ئاماکەیش  گێلناوە  پەیشا، زاوڵەکی  بە وەشی   واتشا  خاساو  ئامێ  پەی  لاو  هانەکەی ،یوشا  دەسش  کەرد  گورانی  واتەی  و ئەویشاشا  دەسشا  کەرد  هۆرپڕای ،دماوە  هانەکی واتشا  بە  کتەکێ  بۆ  هەر چن  ئاویت  گەرکەنە  بەرە.
کتەکێ   دەس وەشی  زاولەکاش  کەردو  ئاوەکێش  بەردە  پەی  چنارەکەی و  لاو  چنارەکەیەو  گەلاش  بەرد  پەی  بزەکێ و  چاگەیچەوە شوتە کەش  بەردە  پەی مامالەکێ ،ئاییچی  قلیچکەکەش  داوە بە  کتەکێ.



ارسال شده در مورخه : پنجشنبه، 30 تير ماه، 1390 توسط CafeWeb  پرینت

مرتبط باموضوع :

 بیره وه ری له سی روژ بوونی ره مه زان  [ سه شنبه، 15 تير ماه، 1395 ] 1093 مشاهده
 ژیاننامەی مام جەلال تاڵەبانی  [ چهارشنبه، 12 مهر ماه، 1396 ] 722 مشاهده
 ڕۆ ئه‌ذێ  [ دوشنبه، 13 مرداد ماه، 1393 ] 1478 مشاهده
 بەش کەردەی چەنی خوای  [ دوشنبه، 13 تير ماه، 1390 ] 5440 مشاهده
 تاتە گیان!  [ دوشنبه، 11 بهمن ماه، 1395 ] 1164 مشاهده
نام:
ایمیل:

در مورخه : جمعه، 31 تير ماه، 1390
ده سو وه ش بو کاک کوورش. به راسی داستانه کیو فره وه شه بی. وه شته ر چانیچه زوانه که مانن که فره شیرینن
ارسال جوابیه ]

نام:
ایمیل:

در مورخه : جمعه، 31 تير ماه، 1390
fera vash be daso vash bo
ارسال جوابیه ]

نام:
ایمیل:

در مورخه : جمعه، 21 مرداد ماه، 1390
سلام کاک کوورش.ده‌ست وه‌ش بۆ.به‌ هیوا سه‌ربه‌رزی و سه‌رکه‌وته‌یت جه‌ گردو بواره‌کاو ژیوایته‌نه.هه ربه ردوام بی ،قه له مو هه میشه په ر بار بو. سه ربه رزیت ئاواتمانه.
ارسال جوابیه ]

 
نام شما: [ کاربر جدید ]

نام (ضروری): 
ایمیل (ضروری): 
نظر:
کد امنیتی
کد امنیتی

  [ بازگشت ]
امتیاز دهی به مطلب
انتخاب ها

 فایل پی دی اف فایل پی دی اف

 گرفتن پرينت از اين مطلب گرفتن پرينت از اين مطلب

 ارسال به دوستان ارسال به دوستان

 گزارش این پست به مدیر سایت گزارش این پست به مدیر سایت

اشتراک گذاري مطلب
صفحات پيشنهادي
لينکدوني
پیامک

ســامـانه پیام کوتاه پینوس



ارسال خبر ، مقاله ، گزارش و ...



شماره همراه خود را برای عضویت در خبرنامه پیامکی وارد کنید