داستانێوە بە نامو (هفت برادران )جە کتێبو(چهل قصه ) پژوهش و بازنویسی منوچهر کریم زاده ی هور گێلنانو سەرو زوانی هەورامی کورش یوسفی
جە ویەردێوی فرە دوورەنە ژەنێوە بۆ حەۆت کوڕێش با. خەفەتێۆی فرە وەرو کناچێش نەبۆ . ماوێوش پەنە مشو پەی هەشتەمین کەڕەتی لەمەش پەڕە بۆ. وەختۆ پەیدا بیەی زاوڵەکەی کۆرەکاش واتشا : ئێمە ملمێ پەی کەشی، ئەگەر کناچێت دییە ، هێڵەکەکێ وەرۆ بەرەیەنە ماڵوچنەرە، تا ئێمە گێڵمێۆە پەی یانەی ، ئەگە ر دیسانەۆ کۆڕت دی تفەنگەکەی ماڵۆچنەرە تا ئیتر نەیمەێ . ئیتر تاقەتما نەمەندەن بێ واڵێ یانەنە بنیشمێرە.
کوڕەکێ ئی قسێشا کەردەو یانەنە زیەیرە.
فرەش پەنە نەشی ژەنەکێ کناچڵێوەش دیە، فرە وەش حاڵە بیە. بە براژەنەکێش واتش : ئەگەر زەحمەت نیا ئا هێڵەکێ وەرۆ بەرەکەیەنە ماڵۆچنەرە ، هە رکاتێت زانا کۆڕەکێم ئامەێۆە .
براژەنەکێش زاوڵە شا نەبێ،بەخێڵە بێ، جیای هێڵەکەکێ تفەنگەکەش ئاڵۆچنارە.
کۆڕەکێ وەختێۆ گێڵەێۆە و چەمشا کەۆت بە تفەنگەکەی ، هەر چاگە و ڕاکێشا فاڕا و ڕوەشا کەردە کەش و کوی و ئیتر نامێوە .
ساڵێ ویەردێو کناچەکێ گەورێ بیە.
ڕوێۆۆ خەریکو گەمە کەردەی بێ چەنی ڕەفێقەکاش،وەختێۆ ئادێ گەرەکشا بێ قسەکاشا سەلەمنا پەنەش ،واچێنێ ؛ بە گیانۆ براکەیم راس ماچوو.
کناچەکێ ویرش کەردەو وەرۆ وێشەرە واتش من برام نیا چێش واچوو قسەکام پەسینا. دماوە واتش؛ گیانۆ گۆرەکە کەیما راس ماچو.
ڕەفێقەکاش واتشا : چی گیانۆ حەۆت براکەیت قەسەم مەوەری ؟
کناچەکێ واتش: من برام نیا .
واتشا ئەی درۆزن! حەۆت برەێت هەنێ ئا وەختە گیانۆ گۆرەکەکەیتا قەسەم وەری ، گەرەکتا قسەکێت باوەڕ کەرمێ .
کناچەکێ دەسش کەرد گرەوای و لواوە پەی یانەی ، بە ئەدەێش واتش : زاوڵێ گاڵتەم پەنە کەراو ماچا حەۆت برێت هەنێ.
ئەدێش واتش:راس ماچا .
کناچەکێ واتش: چی تا ئیسە نەواتەنت پەنەم .
ئەدێش واتش: گەرەکم بێ خەفەت نەوەری .براڵەکێت ئا ڕوە تۆ ئامای دنیا لوێنێۆ ئیتر نامێنێوە.
کناچەکێ واتش: وێم ملو مێزوشاوە. کەوتە ڕا و لواو لوا تا یاوا یانێۆ.
کناچەکێ هەرچی تەقەش دا، کەسی بەرەش نەکەردەۆ، ئاخرشەو وێش بەرەش کەردەۆ لوا دلێ . کەس نەبێ یانەکەنە ، بەلام دیار بێ خەڵکانێۆ چێگەنە ژیوا.
کناچەکێ یانەکەش گزی دا و چاشتیش نیا سەرو لوا گوشێۆەنە وێش شارتەو تا بزانۆ چێش مەی وەرەو. فرەش پەنە نەشی حەۆت پیە ئامەیۆە پەی یانەکەی. وەختێۆ دیشا چاشتی حازرەنەو گرد لەێۆ گزی دریان سەرەشا سڕ مەن و واتشا ئینە یانێ چێش؟
هەر چێ ویرشا کەردەۆ عەقڵشا ئەو هیچ حەنێوی بڕش نەکەرد .
چن ڕوێ هەر پی جورە ویەرد.کناچەکێ وێش نیشانە نەدا،ڕوێۆ کۆڕەکێ قەرارشا دا یۆ چادیشا یانەکەنە مەنوۆە وێش شاروۆە تا تاووتو ئی کارەیە بەربارۆ.
کناچەکێ پا خیاڵە کەس نیا یانەنە ، یاگەکێ شەنە ئاما بەرو دەسش کەرد بە هەرمان کەردەی. کۆڕەکە یاگەکێشەنە زیارەو دەس و کناچەکێش گێرت و واتش :واچە بزانو کێنی و چێگە چێش کەری ؟
کناچەکێ واتش :شونو حەۆت برایەکامەرە گیڵو . کۆڕەکەی واتش :کەی براڵەکێت گمێ کەردێنێ؟
کناچەکێ واتش :ڕوێۆۆ من ئامێنا دنیا ئادێ ئیتر نامەێنێ پەی یانەی .
کۆرەکە فرە وەش حاڵ بی و واتش ئێشتێبا نەکەرو تۆ واڵۆ ئێمەنی ،چێگە مدرە تا بلو براکام هاگادارێ کەرو. دماوە لوا شونو ئەویشارەو پێوەرە ئامەێۆە. جە کناچەکێ پەرسا شا چەنی بی بڕاڵەکێت یانەو وێتا ئاستشا جیا؟
کناچە کێ بەسەرهاتەکەش پەی گێڵنەێۆە .
براڵەکێش فرە وەش حاڵێ بیێ و واتشا کوچێۆ لاماوە مەنەو تا بزانمێ خوا چێش کەرۆ.
چی بەینەنە لالو ژەنەکێش ئینە جە وێش رازی بێ کە ئیتر خوای نەژناسێ.شەۆێۆە جە مانگێ پەرساش :ئەی مانگ واچە بزانوو تۆ زەریفەنی یا من.
مانگێ جوابش داوە: نە تۆ و نە من.واڵۆ حەۆت براڵەی جە گردیما وەشڵەتەرەنە.
لالۆ ژەنەکێ چێرو لچانە واتش:تەماشەو من کەرە دڵم وەش بێ حەۆت براکە گۆڕەشا گمە کەردێنە و کناچەکێچ لوەێنە وەردەساشا.مشیو بلوو بێزوشەو کاڕێوش پەنە کەرو ئیتر مانگە نامێش نەبەرو و وەشڵەییش نەکۆۆ چەمێمەرە .
دماوە کەوتە ڕا چی وەڵات پەی ئەو وەڵاتی چی دەگێ پەی ئەو دەگێ، تا یانەکەشا ئێست شەو. کناچەکێ بە دیەی لالۆ ژەنەکێش فرە وەش حاڵە بیە و بەردەش پەی یانەکەیشا.
لالۆ ژەنەکێش واتش :فرە تەژنەما کۆچێو ئاوی بارە بوەرو. کناچەکێ ئاویش ئاردە و لالۆ ژەنکێچ ئاوەکێش واردە و واتش ئیسە وێت وەرە. کناچەکێ واتش تەژنەم نیا لالۆ ژەنەکێش واتش بێ دڵێم مەکەرە. کناچەکێ کاسەو ئاوەکێش گێرت وواردەش. لالۆ ژەنەکێش بێ دزیێ نە کلکەوانەکەش وستەرە دلێ کاسەکەی وکناچەکێ کەوتەرە مەردە.
ژەنەکێ وەختێۆ ئینەش دێ واتش :ئیسە دلم مەردەرە .هورستەو گورج لوا شونو کارو وێشەرە.
وەختێۆ بڕاڵەکێ ئامەێۆە یانەو دیشا واڵەکێشا کەوتێنەرە دلێ یانەکەی و مەردێنە،دەسشا کەرد بەشیوەن و ڕۆڕۆ. ئاخریچەو دلشاناماکەراش چێرو خاکیەو. سەننۆقێۆشاپەی تاشتەو واڵەکێشانیاشادلێش.دیمێۆۆسننۆقەکەی بەتەڵا و دیمێۆیچش بە نۆقرە پۆژناشارە،
بیناشا وشترێوەرەو وەرەشا دا دەشتەرە.
چاروەنە کۆرە پادشاو ئا وەڵاتەیە لوا پەی شکاری. وشترەکەش دی و بەردش پەی کاخەکیش وسننوقەکەش ئاردەرە واری وبەرکەش کەردەو جنازەو کناچەکێش چەم پەنە کەوت. کۆڕە پادشا بە نۆکەرەکاش فەرمانش داو واتش : کناچەکێ شوردێو کەفنش کەردێو ئەسپەردەش کەردێ.چی وەختەنە کۆڕێو نزیکۆ جەنازەکەیەنە مدرابێرە ،واتش:لودێ ئەو لاوە. دەسش بەرد دەمۆ کناچەکێرە ،کلکەوانێوش بەرئارد و کناچەکێ ژڵێۆیاۆە وچەمیش کەردەێو هورستەو.
نۆکەرەکێ خەبەرەکەشا دا بە کۆڕە پادشاکەی.ئادیچ ئاما دیش کناچێۆە پێسەو مانگێ نیشتێنەرە دلی سننۆقەکەی. کۆڕەکە جە حاڵ و ڕو کناچەکێ پەرساش. ئادیچێ بەسەر ئاماکەو وێش ئەوەڵ تا ئاخرش گێڵناوە. کۆڕە پادشاکەی واتش: ئیسە حازرەنی شووم پەنە کەری.
کناچەکێ قەبووڵش کەردو کۆڕە پادشاکەی کیاستش شونو ئەدەیشەو براڵەکاش.حەۆت ڕوێۆ حەوت شەوێ جەژنەشا گێرتەو دماوە چەنی کناچەکی زەماوندەش کەردە.
با سلام
این داستان قبلا توسط آقای عبدالله حبیبی به هه ورامی ترجمه شده است. چرا به خودتان زحمت دادین؟؟؟؟؟؟؟؟؟؟؟؟