«سه رهه‌نگ»

داستانێوه‌ به‌نامۆ (سه‌رهه‌نگی)جه ‌(مجموعه‌ای ازداستانهای واقعی وتکان دهنده‌)  نویسته‌و (محمود شیت خطاب) هورگێڵنایش به‌ فارسی(صلاح الدین توحیدی) هورگێلنانۆسه‌رو زوانی هه‌ورامی: کورش یوسفی

هامنۆ ساڵۆ ۱۹۷۲ لوانی په‌ی بیمارستانۆ به‌یرووتی تا ئازمایشی  کامڵێ  پزیشکی جه‌ لاشه‌و وێم گێروو،ئه‌گه‌رناکۆکیوم بۆده‌رمانش که‌روو.فره‌ حه‌ز که‌رینی  پی بڕیاره‌یمه ‌که‌س نه‌زانۆ.به‌لام  به ‌پێچه‌وانه‌و خه‌به‌ره‌ وه‌شه‌کا هه‌که ‌ژیوارگانه‌ به‌ سه‌ختی و فره‌ دێروه‌ڵێ باوه‌،ده‌نگ وباسی ناوه‌ش و گوڵ فره‌ زوو به‌ین و  خه‌ڵکیه‌نه‌ وه‌ڵا  بۆۆه و یاۆۆ لاو  گرد که‌سی.چن دوسو ڕه‌فێقێ  ئامێ په‌ی لایم وده‌سشاکه‌ردبه‌ لۆمه‌ که‌رده‌یم،چی ئیمه‌ت هاگاداری  نه‌که‌ردێنمێ.ئاذێ چه‌نی وێشا شیرینی وباقه‌ وڵێ فرێ شا ئاوردێ بێنێ.ئا نه‌وه‌شینێ ده‌ورو به‌رمه‌نه بێنێ یا ئه‌فسه‌رێ یانه‌ نیشتێ (بازنشسته‌) بێنێ یاکۆچێۆشا مه‌نه‌ بێ یانه‌ نیشتێ با. خاسته‌رم زانا ویم پنه‌شا بژناسنو. بلولاشاو دڵداریشا ده‌و.په‌ی ئی کاره‌یه ‌ئا گۆڵ وشیرینیه‌ ره‌فێقه‌کام ئاورده‌ بێ به‌ردێم  په‌یشاو ئانێچه‌ مه‌نێوه‌ ده‌ێم به‌ په‌رستاره‌کا.لوێنی لاوهه‌رکامیشا قسێ وه‌شێش په‌ی که‌رینێو ،له‌ش ساقی و وه‌ش بیه‌ی و ده‌رمانو زامه‌کاش جه‌ خوای گه‌وره‌ی  به‌ ئاوات وازێنی.فره‌ حه‌ز که‌رینی  گه‌وره‌ته‌رین باقه‌ گۆڵی په‌ی ئا ئه‌فسه‌ره‌یه‌ به‌روو که‌ وێش شه‌وێنه‌ نه‌وسێ ونازێ که‌سیچ بووسۆ. وه‌ختێۆپه‌رستاره‌کێ په‌رساش:ئاذی مژناسی؟مزانی کێ بیه‌ن؟واتم: نا به‌ڵام ئاذ شه‌وێنه ‌مه‌وسۆ،نمازۆمنیچ  وه‌نه‌وزێۆه‌ که‌رو. گاهه‌زدماوئانه‌یه ‌ده‌سه ‌گۆڵه‌که‌م دا په‌نه‌ش هه‌م وێش ئارام بۆۆه‌و هه‌م به‌ منیچ ره‌حم که‌روتابوسوو.په‌رستاره‌کێ واتش:مه‌حاڵا،جه ‌ قسه‌کاش حاڵیم بی،که‌ ئی پیا چن مانگێن ئینا چی بیمارستانه‌نه‌. ئه‌گه‌رچن ڕوێچ  بلۆۆه‌  په‌ی  یانه‌ی، دماوماوێۆ ته‌ری مه‌ێۆه‌  په‌ی  بیمارستانی.په‌رستاره‌کێ هه‌ر پاسه‌ واتیچش:ڕه‌واڵه‌تش  نیشانه‌ مذۆپی زوویه‌نه‌ کارش ته‌مامیۆ، هه‌م وێش ڕه‌حه‌‌ت بۆهه‌م  ئێمه‌یچ ده‌سشه‌و  ڕه‌حه‌تێ بیمێ.

لوانی په‌ی لاوسه‌رهه‌نگه‌ نه‌وه‌شینه‌که‌ی،ئاذبه‌ ویش(کلنل)واچێ. دوکتوروپه‌ره‌ستاره‌کێچ  کلنلش چڕێنێ.(کلنل واتیلێوه فه‌رانسه‌و یه‌نه‌ به‌ ماناوسه‌رهه‌نگی).ئاذ ئه‌فسه‌رێوی کۆنه‌کاربێ،سه‌رده‌مێۆ  که‌ فه‌رانسه‌ویه‌کێ  لوبنانشا گێرته ‌بێره‌،په‌ی پولیس وفه‌رانسه‌ی  کار که‌رێ.ویروهوشش خاس  کار که‌رێ.جه‌ قسه‌ که‌رده‌یه‌نه‌ هیچ  که‌م وکۆڕیوش نه‌بێ.ویرێوی تێژش بێ،قه‌لبش هه‌ر پێسه‌و جارا  دێ وه‌نه‌.ئینێ  ته‌نیا چێوانێو  بێنێ جه‌ دنیانه ‌ په‌ی ئاذی مه‌نێ بێنێۆه‌.تووش ونه‌وه‌شیانێوی فره‌ی ئامابێ،پێسه‌و نه‌وه‌شی قه‌نذی، فشارۆ ونێ،ناره‌حه‌تی  که‌به‌دی وکۆلیه‌ی،تن بیه‌ی ره‌گاو لاشه‌ی، تیکه‌ تیکه‌  بیه‌و گۆشت و په‌یاو و….

ڕونه ‌هاگادار بێۆ ئارام.هه‌ر که‌سی دیه‌،ئه‌ره‌جیش پرگش  چنه ‌ نه‌مه‌نه‌ن وخاس بیه‌نه‌ۆ.به‌ڵام شه‌وێنه ‌پاسه‌ ده‌س که‌رێ به‌ هاوار  که‌رده‌ی،واچینی چن سه‌عاتێ  ته‌ر  ته‌مامنوش.ئاذ‌ شه‌وێنه جارجار  جه‌ ئێش وئازاری و جارجاریچ  په‌ی چڕیه‌ی په‌رستاره‌کا ده‌س که‌رێ به‌ هاوار که‌رده‌ی.جه‌ هاوار  که‌رده‌یچه‌نه‌ جه‌ دوێ که‌ره‌سا  به‌هره‌  به‌رێ، یۆ ده‌نگۆ وێش ویۆیچ  زه‌نگی ئێلیکتریکی.

وه‌ختێۆ په‌رستاره‌کێ ئێنێ په‌ی لایشو زانێنێ هیچش گه‌ره‌ک نیا، گێڵێ نێۆه‌. به‌ڵام هیشتای  نیاوێنێ یاگه‌کۆ ویشا،سه‌رهه‌نگ دیسانۆ  ده‌س که‌رێ هاوار  که‌رده‌ی.تا روجیار که‌وته‌ێ ئی هه‌رمانۆ ئاذیه ‌ دووباره‌ بێۆه‌.وه‌ختێویچ ده‌نگش به‌رنامابیه‌ جه‌ زه‌نگه‌که‌ی که‌ڵک هورگێرێ.ئاذ به‌ په‌رستاره‌کا واچێ شه‌وێنه‌  نازاش جیا. وه‌ختێو په‌ره‌ستاره‌کێچ  لاشه‌ۆ بێنێ هوشش شێوه‌و ده‌س که‌رێ به‌ هاوار که‌رده‌ی.وه‌ختێۆ لوانی په‌ی لایش.کتوپڕ ده‌سش که‌رد  گره‌وای

وبه‌ سه‌رئاماکه‌ش  پێسه‌ په‌ی تاریف  که‌ردا.من په‌ی  پۆلیس و  فه‌رانسه‌ی خزمه‌ت که‌رێنی ده‌ره‌جه‌و(کلنلیم)بێ،فه‌رمانده‌وپۆلیسو به‌یرووتی بینی.گرد که‌س چه‌نه‌م  ته‌رسێ، نامۆمن  له‌رزه ‌ وزێ  سه‌رۆ زرێنگ ته‌رین ونه‌ته‌رسته‌رین  خه‌ڵکۆ  به‌یرووتی. فه‌رانسه‌ویێ  متمانه‌ی ته‌مامشابه‌ من بێ.منیچ  یه‌کسه‌ره‌ ئێختیارو ئاذیشانه‌  بینی.حه‌ز که‌رێنی ئه‌رک و وێم پا جوره‌ ئاذیشا  گه‌ره‌کشا بێ،به‌ یاگێ باروو. هه‌ر وه‌ختێۆ ئاذێ نه‌تاوابیێ شا  خه‌ته‌ێۆه‌ جه‌ کابرێوی بێزاوه‌،ئارێنێش په‌ی  لاو من،منیچ به‌ زورو توڕیی وی  فره‌ چاذی ئیعتراف ئه‌سانێنی.من به‌ هیچ  که‌سی ڕه‌حم  نه‌که‌رێنی. ملۆ خه‌ڵکیه‌ره‌ گردجۆره‌ ئه‌شکه‌نجێۆ که‌رێنی، مۆته‌هه‌مه‌کێ چێرۆ ئازار وئه‌زیه‌تو منه‌و ده‌س که‌رێنی به‌ هاوارکه‌رده‌یو،دمایچه‌و مل نیێ نێ پا چێواره‌ که‌ من یا فه‌رانسه‌ویه‌کا چنه‌ گه‌رکێ  بێنێ.ئیتر ئاذیشا کیانێنی په‌ی دادگای تاحه‌کمشادا.سه‌رهه‌نگی ۸۴جوره‌ئه‌شکه‌نجێش په‌ی من باس که‌ردێ که‌ ملۆ خه‌ڵکیه‌ره ‌ که‌ردێ بێنێش.من جه ‌ ته‌رسۆ قسه‌کاش و ئه‌شکه‌نجه‌کاش له‌شم که‌وته‌نه‌  له‌رزه‌و موێ  سه‌ره‌یم  ڕاسێ  بیه‌. ئاذی دماوه‌ واتش:ئانه‌ ئیسه‌ ئامان  ملمه‌ره‌، عه‌زابێواجه‌ لاو خوای  گه‌وره‌یه‌و.من بونه‌و دڵوه‌ش  که‌رده‌و  فرانسه‌ویه‌کا،خه‌ڵکی  بێ  تاوانی  کیانێنی په‌ی دادگای وخه‌ڵکی عاڵی ئه‌شکه‌نجه‌ که‌رێنی. فه‌رانسه‌ویه‌کێ   لوبنانشا ئاست  جیا، سه‌رهه‌نگ مه‌نه‌و تا گرد ساتێو له‌حنه‌ت و قسێ خرابێ  خه‌ڵکی  شونی شه‌وبا.تا ئا خیاته‌ ژه‌ن وزاوڵه‌و قه‌وم و که‌س وکار ئاذشا  وه‌ش نه‌سیێ،جه‌ خوای ڵاڵینێوه‌  مه‌رگش خه‌ڵات  که‌رۆ.

به‌ڵام وێجذان و وێش فره‌ته‌ر جه‌  گرد که‌سیو تانه‌و  ته‌شه‌رو  خه‌ڵکی  ئازاره‌ش  دێ. ئاذ هه‌م ره‌گه‌زه‌کاش شه‌وێنه ‌ئه‌شکه‌نجه‌  که‌رێ،خوای گه‌وره‌یچ   ئاذی  شه‌وێنه‌ عه‌زاب دێ.خوای گه‌وره‌  زوانش ئاسته‌ بێشه‌وپه‌ی،تا بتاۆۆ ئاجنایه‌تێ وه‌ڵته‌رکه‌ردێنێش، په‌ی خه‌ڵکی  گێڵنۆشاوه.هوش و ویرش ئاسته‌بێشه‌و تا ئا گۆناحێ  که‌ردێ بێنێش په‌ی خه‌ڵکێشا گێڵنۆۆه‌.عه‌قڵش  تێکش  نه‌ذابێ،تا عێبره‌ت  گێرۆ،جه‌ کرده‌وه ‌کاش په‌شیمان  بۆۆه‌.به‌ڵام چه‌  فایذه ‌وه‌ختۆپه‌شیمانی ویه‌رده‌ن. قه‌لبش ساق ئاسته‌ بێ تا چی دنیانه عه‌زاب وینۆ،به‌ دڵنیاییۆ عه‌زاب و ئه‌و دنیای  فره‌ سه‌خت ته‌رو  ته‌رسناک ته‌را.